admin 
Njerëzit shpesh mendojnë se rrathët e zinj janë për shkak të lodhjes dhe mungesës së gjumit. Megjithëse kjo mund të jetë një nga shkaqet, por ka edhe arsye të tjera për krijimin e rrathëve të zinj poshtë syve si: alergjitë ose procesi natyror i plakjes.
Rrathët e zinj nën sy mund të duken blu deri në kafe të errët ose të zezë, në varësi të ngjyrës së lëkurës. Në disa raste, rrathët e zinj nën sy mund të tregojnë nevojën për ndryshime të stilit të jetës, siç janë përmirësimet e rutinës së gjumit ose dietës ushqimore.
Cilat janë shkaqet që krijohen rrathët e zinj poshtë syve?
- Mungesa e gjumit
- Alergji të ndryshme
- Hiperpigmentim, i cili ndodh kur trupi prodhon më shumë melaninë
- Nivele të reduktuara të indit yndyror rreth syve
- Hollimi i lëkurës poshtë syve
- Anemi nga mungesa e hekurit
- Ekspozimi i tepërt në rrezet e diellit
- Fërkim i shpeshtë i syve
- Plakja
- Pirja e duhanit
- Genet e trashëguara
- Gjendjet tiroide
- Dehidrimi
- Dermatiti
Cilat janë disa këshilla që sugjerohen për të eleminuar rrathët e zinj poshtë syve?
1. Sugjerohet të krijoni rutinën e fjetjes:
Disa njerëz vërejnë rrathë të zinj poshtë syve kur kanë periudha të gjumit me cilësi të ulët. Mungesa e gjumit mund të përkeqësojë rrathët e zinj të syve. Studime të ndryshme kanë treguar se pushimi dhe shëndeti i mirë i përgjithshëm zvogëlojnë errësirën e rrathëve të syve.
2. Minimizimi i ekspozimit në diell:
Njerëzit mund të zvogëlojnë rrathët e zinj të syve duke mbrojtur lëkurën e tyre nga dielli. Rrezatimi ultraviolet mund të përkeqësojë rrathët e zinj të syve tek disa njerëz. Mbrojtja me syze dielli, krem hidratues që përmban mbrojtje ndaj rrezeve ultraviolet mund të mbrojë lëkurën nga dielli dhe të parandalojë përkeqësimin e rrathëve të zinj të syve.
