ervisa 
A është një mit që dashuria të jep lëkurë të shndritshme dhe me ngjyrë rozë? Epo, studimet tregojnë se të qenit e/i dashuruar mund të ndikojë në lëkurën, disponimin dhe gjumin tuaj për mirë.
Afeksioni, përqafimet etj shkaktojnë lirimin e oksitocinës: një neuropeptid i quajtur hormoni “lurve”, i cili çlirohet në nivel romantik. Më poshtë do lexosh një arsyetim të çuditshëm se si oksitocina mund pak në shërimin e lëkurës, të zvogëlojë inflamacionin e shkaktuar nga stresi dhe të përmirësojë gjumin e bukurisë.
Si ndikon të qenit në dashuri në lëkurën tonë?
Ndërveprimi social dhe lidhja me partnerët janë thelbësore për mirëqenien mendore, e cila ndikon drejtpërdrejt në shëndetin e lëkurës përmes lidhjes tru-lëkurë.
Një studim i kryer nga Universiteti Shtetëror i Ohajos në 2004 zbuloi se minjtë me nivele të larta të oksitocinës nga ndërveprimi social kishin shërim më të mirë të plagëve sesa minjtë që ishin të izoluar me nivele të larta të kortizolit (hormoni i stresit).
Një studim tjetër i botuar në Psychoneuroendocrinology në 2010-n arriti në përfundimin se çiftet me nivele më të larta oksitocine pas lidhjes në një detyrë ndërveprimi shëruan plagët të vogla në fytyrë më shpejt se çiftet me nivele më të ulëta të oksitocinës. Pra, ndoshta është mirë të fillosh ato bisedat e thella dhe kuptimplotë me partneren/partnerin.
Supozohet se redukton efektet e stresit në lëkurë …
Trupi ynë i përgjigjet stresit duke prodhuar kortizol. Ky është hormoni luftarak me një efekt të keq për shëndetin e lëkurës. Një rritje e kortizolit mund të shkaktojë njolla ose inflamacion.
Shpërthimet e sëmundjeve të lëkurës ndodhin kur jemi me humor shumë të ulët, sepse stresi dobëson sistemin tonë imunitar dhe fillon një përgjigje inflamatore. Në mënyrë të ngjashme, një shpërthim aknesh është i zakonshëm kur e ndjejmë veten të stresuar. Kjo ndodh pasi kortizoli prish hormonet e trupit dhe stimulon gjëndrat dhjamore për të mbiprodhuar sebum.
Për fat të mirë, oksitocina heroike kundërshton kortizolin dhe efektet e tij në lëkurë. Një studim i botuar në Experimental Dermatology në 2013 zbuloi se oksitocina modulon proceset kryesore që janë të dëmtuara në dermatitin atopik. Të dhënat sugjeruan se oksitocina ishte një “ndërmjetësues i rëndësishëm në homeostazën e lëkurës dhe klinikisht i rëndësishëm për kushtet e stresuara të lëkurës si dermatiti atopik”.
Pra, për t`i rënë shkurt, nuk po themi se dashuria shëron sëmundjet inflamatore të lëkurës, sepse nuk është kështu. Por një mentalitet pozitiv dhe më pak stres e bëjnë më të lehtë menaxhimin e sëmundjeve inflamatore të lëkurës dhe shpërthimet e tyre. Dashuria ndaj vetes dhe ndaj të tjerëve bën vetëm mirë !
